A gräffdiche Umarmung,
des is, wos i mooch.
Driggst di an mich hi,
zwiggst mi aa ermol in die Brust,
hoggst schwer af mein Schooß,
hängst recht an mir droo.
Singst mer a Lied,
gern a traurigs, wenn er di lass.
Odder gnaunzt erweng,
schreist gor
und baggst mi an die Schuldern,
dass er mi dergeeng stemmer mou.
Konn mi aa oolehna ba dir,
in Kupf niederleeng und greiner
und mich wieng mit dir.
Dust mi dröösdn im dungln Zimmer.
Mir zwaa erlaans.
Wenn er di grod gor nemmer mooch,
wenns mer reicht mit dir,
drigg i di zwaa Drugggnöpfli zou,
oom und untn,
leech di in dei Kistn
und stell di ins Egg.
Su einfach wenns immer wär,
wie mit meiner Quetschn!