Hotel Capri hats ghaßn, und es war bloß a Nacht.
Hotel Capri - dass mir suwos gschicht, hätt ich niemals net dacht.
Es wor so a klanns Hotel in der Näh vom Bahnhof
und ich wor mit ihm do drin, werkli woar.
Ich hob gmaant, suwos passiert bloß im Film,
dass an des alles worscht is,
wie des Bett durchgleeng is
und wie mer den Straßnlärm raafhört
und die Nachbern bam Kumma und Geh.
Er hat schwarze Augn ghabt und graue Hoor, ganz kurz
und wie er mi oogschaut hat in der U-Bahn
sin mir die Eierstöck nuntergfalln.
Zwaa Skins hom nern blöd oogmacht.
Ich hob mi highockt neber ihn
und „Bruder“, hob i gsacht,
„Bruder, wo fährstn hi?“
Durch die halberte Stadt semmer grennt,
af die Burch nauf und zur Pengertz nunter
und er hat derzillt vo seiner klann Tochter
und seiner Firma in Hamburg.
Und dann semmer plötzlich vur der Tür vo dem Hotel gstandn
und mir hom uns netamol mehr ooschauer mäin,
dann wor mer scho drin.
Hotel Capri hats ghaßn, und es war bloß a Nacht.
Hotel Capri - dass mir suwos gschicht, hätt ich niemals net dacht.